LAERSKOOL LOUW GELDENHUYS IS

Die Louwtjies

Laerskool Louw Geldenhuys onderskei homself deur ‘n holistiese benadering tot onderwys, wat ‘n unieke en betekenisvolle skoolervaring bied. Ons is trots daarop dat ons nie net fokus op akademie nie, maar ook op die ontwikkeling van kultuur, sport en sosiale vaardighede. Hierdie vier pilare vorm die kern van ons uitnemende onderwysaanbod en maak ons skool ‘n uitstaande keuse vir ouers wat die beste vir hul kinders se toekoms wil hê.

Die gemeenskap van Louwtjies is ‘n ware bate. Dit skep ‘n ondersteunende omgewing waarin leerders voel dat hulle deel is van ‘n hegte gemeenskap wat hulle koester en aanmoedig. Hierdie gevoel van samesyn en samewerking bevorder nie net die leerervaring nie, maar ook die algehele welstand van ons leerders.

Ons benadering fokus ook op die groei van ons leerders. Ons erken dat elke kind uniek is en ons streef daarna om elke leerder se potensiaal te ontsluit. Ons bied individuele ondersteuning en uitdagings om selfvertroue en persoonlike groei te bevorder. By Laerskool Louw Geldenhuys gaan ons saam met ons leerders op ‘n opwindende reis van preprimêr tot hoërskool en verder, waar ons hulle vashou en aanmoedig om hul volle potensiaal te bereik.

Daarbenewens het ons ‘n sterk fokus op die waardes en diens aan ons gemeenskap. Ons moedig ons leerders aan om deel te neem aan gemeenskapsdiens en om empatie en omgee vir ander te ontwikkel. Dit skep ‘n gevoel van betrokkenheid en verantwoordelikheid wat ons leerders help om betekenisvolle verhoudings te bou en om impak te maak in die wêreld om hulle.

By Laerskool Louw Geldenhuys is ons trots op die verskeidenheid aktiwiteite wat ons aanbied. Van kultuur- en sportaktiwiteite tot uitstappies en vertonings, ons leerders het die geleentheid om hul talente te ontwikkel en hulself uit te daag. Hierdie aktiwiteite bevorder selfvertroue, kreatiwiteit en sosiale interaksie.

Ons bied nie net ‘n uitnemende akademiese program nie, maar ook ‘n gemeenskap van ondersteuning, groei, diens en opwindende aktiwiteite. Ons vertrou dat ons skool ‘n plek sal wees waar jou kind kan vrug dra, selfvertroue ontwikkel, en ‘n liefde vir leer sal ontdek.

KONTAK ONS

BOODSKAP VAN

Die Hoof

As hoof, is dit my wens om ʼn skool daar te stel, waar elke kind in die oggend skool toe wil hardloop. Om dit reg te kry moet ons ʼn tuiste vir elke kind skep. Dit is vir my belangrik dat elke kind tuis en geborge moet voel.

Ons kinders word geken daaraan dat hulle graag kaalvoet loop. As oorspronklike “kaalvoet” skool, gebruik ons hierdie gesegde as ʼn metafoor vir ouderdomsspesifieke ontwikkeling. Die regte blootstelling, op die regte tyd.

Aangesien personeelontwikkeling vir ons een van die topprioriteite is, verseker ons dat die nuutste tendense en navorsing deel raak van ons metodologie. Hierdie bemagtiging verseker optimale ontwikkeling vir ons grootste bate, ons kinders.

Mnr. Martin Bensch

KONTAK DIE HOOF

ONS TROTSE LOUWTJIES

Geskiedenis

1902

Laerskool Louw Geldenhuys het sy ontstaan gehad met die ontdekking van goud aan die Witwatersrand. Louw Geldenhuys het ‘n groot skuur op sy plaas Braamfontein aan die Britse administrasie verhuur om 40 leerders te huisves. Die voertaal was Engels en die skool se naam “Braamfontein Government School”.

1916

Weens die groeiende leerlingtal verskuif die skool na ‘n groter skuur op Louw Geldenhuys plaas te Linden. Die destydse regering bou ‘n skool op die huidige perseel en die skool se naam staan bekend as die “Linden Government School”.

1920

Afrikaans word ingestel naas Engels as medium van onderrig.

1936

Die skool se naam verander na die ‘Louw Geldenhuys Skool’. Die skool is vernoem na Louw Geldenhuys wat die grond gratis geskenk het waarop die vorige skoolgebou, asook die huidige skoolgebou vandag nog staan. Verder weet ons ook dat hy groot finansiële bydraes gemaak het tot die skool asook gemeenskap. Die Louw Geldenhuys Skool huisves ook hoërskoolleerders tot in 1947 met die totstandkoming van Hoërskool Linden.

As gevolg van groeiende vraag na beide Afrikaans en Engels as onderrig taal, word ‘n Engelse skool opgerig. Die Engelssprekende leerders is oorgeplaas na die nuwe Engelse Laerskool naamlik Franklin D. Roosevelt Primary.

1952

Op sy vyftigste verjaarsdag word ‘Louw Geldenhuys Skool’ ‘n volwaardige Afrikaanse skool met die naam Laerskool Louw Geldenhuys. Die skool het dermate so gegroei dat ‘n nuwe skoolgebou opgerig moes word.

1965

Die huidige skoolgebou word in gebruik geneem.

1990

Die skool is ‘n Model C-skool wat vandag bekend staan as ‘n artikel 21 skool. Tans voorsien die staat slegs 18 onderwysers, 2 admin. personeel en 2 algemene assistente. Die skool dra uit eie koste ‘n verdere 22 onderwysers, 3 admin. personeel en 8 algemene assistente.

2022

Louwtjies vier sy 120ste bestaansjaar. Met ‘n fondament, gebou op 120 bestaansjare, is Laerskool Louw Geldenhuys goed toegerus om die onsekere toekoms met vertroue te trotseer.