Ons gesels oor die stigting van die nuwe Sentrum vir Kurrikulum Integrasie (SKI), klas vir Graad 4, met opvoedkundige sielkundiges Erika Basson en Hennie Vorster sowel as arbeidsterapeut Charlene Cruickshank. Ons het die paneelgesprek wat ons op 28 November vir die ouers aangebied het, opgeneem om dit met almal te kan deel. Die gesprek is gelei deur Riette van der Wat ‘n ouer van die skool en joernalis wat ook vir ons ‘n artikel oor die klas geskryf het. Julle kan die artikel op ons webblad by ons webjoernale vind.

Ons gesels met Erika Basson oor sosiale media risiko’s ‘n kort inleiding in afwagting tot die komende praatjie deur Emma Sadleir Berkowitz op 3 Junie 2024. Ouers is nie altyd bewus waarmee hulle kinders besig is aanlyn of waaraan hulle blootgestel word nie. In die verlede was dit tieners en ouer kinders wat geteiken was maar deesdae is dit laerskoolkinders wat in die slaggate trap. Emma se praatjie gaan baie uitbrei oor die nuutste toepassings en die risiko’s daarvan om beter bewustheid by die ouers te skep.

Ons gesels met oud-Louwtjie matrikulante Ewan Basson & Carine Pretorius van Helpmekaar Kollege wat elkeen 10 onderskeidings ontvang het. Hulle vertel ons van hulle metodiek, toekomsplanne en gee bietjie advies vir ons jong Louwtjies.

Ons gesels met opvoedkundige sielkundige Erika Basson & Suzette Lamprecht ‘n spraakterapeut by die Habitat, oor hoe ouers saam met hulle kinders kan voorberei vir Graad R en Graad 1. Wenke soos dat ouers kan help om die kinders se vroeë leesvaardighede te bevorder deur hulle solank na stories te laat luister. Hulle moet 3-stap instruksies kan uitvoer so gee vir hulle takies om te doen by die huis. Spandeer familietyd saam sodat hulle ‘n platform het waar hulle kan vertel wat goed en sleg was in hulle dag.

Ons gesels met oud-Louwtjies, Inge Erasmus & Siegfried Maré, wat onlangs verkies is as die nuwe hoofseun en hoofdogter by Hoërskool Linden.

Ons gesels met Juané van der Merwe & Riaan van der Bergh, adjunk uitvoerende hoofde van FEDSAS, oor die “Bela Bill” die voorgestelde wysiging op die Suid Afrikaanse Skole Wet.

Ons gesels met Charlene Cruickshank ‘n arbeidsterapeut by die Habitat en twee oud-Louwtjies van Hoërskool Linden, Pieter Greeff & Megan Cruickshank, wat ‘n navorsingstaak gedoen het oor hoe sport oordryf word by skole. Sportdeelname is baie belangrik en om verskillende sporte te probeer veral in die laerskool. Kinders moenie hulleself oorlaai met teveel aktiewe sporte nie maar moet ook sport vir die brein beoefen soos skaak.

Ons verwelkom en gesels met ons nuwe Grondslagfase Departementshoof Desireé Oosthuizen.

Oud-Louwtjie & Springbok, Jean Kleyn, kom loer in by ons en gesels oor sy jongdae by Laerskool Louw Geldenhuys. Liam Wilken ons 1ste span kaptein het ook die geleentheid gekry om vir hom ‘n paar vrae te vra. Ons het heerlik saam met hom gekuier.